Monitore taldea asteburu pasa joan ginen Nafarroara. Arrarats Herrian pasa genuen asteburua. Durangotik arratsaldeko 19:30 aldera irten ginen eta aterpetxera 21:30 inguruan heldu ginen, etxea aurkitzea ez zen batere abentura erraza izan, baina lortu genuen. Monitore batzuk beranduago heldu behar ziren eta bertan itxoin genituen batera afaltzeko, 23:00ak aldera heldu ziren eta guztiak batera afaldu genuen, a ze afari gozoa! Gero guztiak batera abesten egon ginen eta pixka bat beranduago ohera joan ginen hurrengo goizean altxatu ahal izateko.
Hurrengo goizean goiz altxatu ginen eta goiz osoa ekintza ezberdinak egiten eman genuen, oso ondo pasa genuen, eguerdian arroza bazkaldu eta Iruñara bidea hartu genuen, bertara heltzen kotxe batzuk galdu egin ziren eta elkar aurkitzea kostatu zitzaigun , baina lortu genuen. Arratsaldean tabernetan aritu ginen poteoan eta gero hainbat buelta eman eta gero afaltzeko toki bat aurkitu genuen. Bi tragotxo hartu eta etxera itzuli ginen , gutxi gora behera ordu bateko bidaia geneukan aurretik Iruñatik etxera.
Hurrengo goizean altxatzea kostatu zitzaigun, baina hala ere menditik bueltatxo bat eman genuen. Gero barbakoa martxan jarri eta haragia prestatzen hasi ginen. Haragiari egitea pixka bat kostatu zitzaion eta arratsaldeko lauak arte ezin izan genuen bazkaldu. Gero etxea jaso eta Durangora itzuli ginen.
Oso ondo pasatu genuen guztiok batera eta asko gozatu genuen besteon konpainiaz.
Ane Alvarez Bilbao
Comentarios
Publicar un comentario