Nor da Anbotoko Mari?




Anbotoko Mari



    Anbotoko kobazuloetan eta inguruko haitzetan sorgindutako neska eder bat bizi dela esaten da, lantzean zerua zeharkatzen duena, sutan. Anbotoko Mari edo Anbotoko Señora izenaz da ezaguna.
    Antza denez, beti orrazten ibili ohi zenez, amak maldizioa bota zion neskari eta koba batera bidali zuen bizitzera. Inguruan zeukana janez egin zuen aurrera neskak, pentsa, muskerrak ere jaten zituen! Eta baita orrazteko denbora atera, gainera!
    Zazpi urtegarrenean, ama bisitan joan zitzaionean, berriro egin zion maldizioa, orrazteari utzi ez ziola ikusita, eta beste mendi batera bidali zuen, Gorbeiara. Baina Mari neska azkarra zen eta han ere topatzen zuen jatekoa. Pastoreek ere eramaten zioten gazta, ogia, putxa…
    Zazpi urtegarrenean, amak berriz bisita egin zionean ez zion maldiziorik kendu, eta zazpi urterik zazpi urte lekualdatuz bizi da ordutik Mari, kobazulo batetik bestera, bere burua orraztu eta orraztu. Anega-indabak daukan beste garo urte egin behar ei ditu horrela Marik, arean.
    Esaten da Anbotoko Señora orraztu ostean eguzkiak irteten duela, edota haren suaren txispak ukitu ezkero kondenatu egiten dela bat.

    Link: http://zuztarretatikahora.com/ahozko-literatura/ipuinak/sorginak-eta-sorginkeriak/anbotoko-mari/
    Link http://1.bp.blogspot.com/-5fj1Ka0yX7A/UI2IeU6JryI/AAAAAAAAAJs/7c0Gu1CWW78/s1600/mari+2.jpg




    Comentarios